اذا كنت شيعيا فأن سبب الخراب هو
البعث الصدامي الكافر طبعا ممكن تضيف عليهم كلمات مثل الوهابية او اذا كنت متدين
تكدر تكول الاحتلال الاميركي والمخطط الصهيوني ووباقي القوانة كلنا ندري بيها
اما اذا كنت سنيا فسبب الخراب هو
المد الفارسي المجوسي القادم من ايران اضافة الى اميركا واكو ناس مسوية خلطة يكولك
اميركا وايران واسرائيل متأمرين علينا
اما اذا كنت تنتمي للتيارات الاخرى
كأن تكون شيوعي او قومجي فسبب الخراب متنوع بل ان البعض يذهب بتحليلاته الفذة
ليقول ان سبب الخراب هو غضب الرب علينا .. يعني رب العالمين ماغضب على اسرائيل
اللي محتلين بيت المقدس وماغضب على اميركا والغرب الكافر كله واجا غضب علينا ..
البعض الاخر يكولك هذا اختبار من رب
العالمين .. وهذا النوع من التفكير هو اخطر انواع الاستنتاج يعني يكولك ليش ادوخ
روحي عود نموت والحباب يروح للجنة والوكيح للنار .. لهذا خاليها على الله عسى ماننذبح واحد واحد
يكولك هذا اختبار .. مادري مسامعين بشي اسمه عقل الله خلقه وحطه بروسهم المعفنة
اللي ماتفكر
المهم بغض النظر عن الاسباب احنا
بحياتنا ما تعبنا روحنا شوية حتى نعرف اسباب مصائبنا بس نعرف نولول ورا كل مصيبة
شلون وليش ماندري نظل ناكل كفخ وساكتين ومخدرين روحنا بالسوالف العاوية مااريد
اكول شنو الي يفتهم هو يعرفها
يعني هسه لو يطلع واحد بنص بغداد
يصيح ياشعب العراق ياخوات الـ*حبة اني بكتكم وذبحتكم وطلعت دين امكم همين نظل
صافنين عليه .. لهذا لحد يجي يكولي لزمو فلان يبوك لو فلان يقتل لانو مايفيد احنا
شعب الاغلبية ماتت غيرتها مع الاسف
صراحة يا اهي اللي يكولك انه هذا غضب رب العالمين مو غلطان، لان اسرائيل ما قتلت الحسين ولا حركت ابراهيم عليهم السلام وانما العراق اللي هو ما طب بيه نبي ولا مرسل الا وانقتل، العراق هو اللي سم الكاظم والعراق هو اللي حار شسوى وية كل امام وكل خليفة من خلفاء الله، فالنظرية صحيحة انه الفساد اللي بهؤلاء الناس اكبر بكثيييير من الفساد اللي بغيرهم، لهذا يقولك القائل انه انصار الامام المهدي ع اللي يخرجون من العراق اسمهم اخيار العراق، هم الاخيار لانهم طلعوا من بين اسوأ ناس واضرب طينة، يعني ناس مو مثل الناس مقارنة بالبيئة اللي تربوا بيها وخرجوا منها، وببساطة اكولكياها اني سمعتها من زمان هاي الحجاية ونسيت منو كالياها، بس واحد يسأل يكول ليش كل الانبياء والائمة على الاغلب بالعراق يعني هواية منهم مرسلين هناك؟ فجاوبه الشخص وكاله لأنهم اكثر أمة مريضة فبالتالي يحتاجلهم دواء اكثر من غيرهم،، وانت باوع عالحال داير مدايرك،، باوع على هالوضع منو طيح حظ البلد غيرنا احنة؟ واللي يلوم غيره وميكول العيب بيه اني فهذا واحد نرجسي ينرادله طبيب، مو لو مو مو؟ على كل حال يا اخي العزيز اتذكر رواية مال امام الصادق ع يحجي بيها عن الزوراء يعني عن العراق، ويكول ما معناه انه يجي عليها زمان يمر الواحد على الزوراء ويكول (ها هنا كانت الزوراء) يعني تنتهي فد مرة، ويكول اللي يطلع منها يطلع برحمة الله واللي يبقى بيها يبقى لشقاءه،، سبحان الله
ردحذف