الأحد، 21 أغسطس، 2011

يومية قيامة يا وطن بيك ...اذن كلش سهل يوم القيامه




بعهد صدام جام البيت مكسور
ومن البرد ليلك ما تنامه

هسة البيت زين وصار بيه جام
بس كلب العراقي انكسر جامه

الكراسي كاعده فوك الكراسي
لأن ماكو زعيم ولا زعامه

ذلة بذلة نكضي الليل ما ننام
والصبح بالمدرسة ندرس كرامه

ووالدنه الوطن بابا نسميه
شو بابا عدل واحنة يتامه

عجيب شكد أئمة يا وطن بيك
ووجهك للرحم ما بيه علامه

ممنوع التجول يا وطن بيك
لان حتى الدرب ساحب اقسامه

وشمل منع التجول حتى العظام
والدم ما كدر يمشي بعظامه

حمام الناس وانته يا وطن حوم
منك ما اظن تسلم حمامة

انت بروفيسور بقبض الارواح
وعزرائيل الك دنك الهامه

يومية قيامة يا وطن بيك
اذن كلش سهل يوم القيامه
اذن كلش سهل يوم القيامه

الجمعة، 5 أغسطس، 2011

اين هم رجال الدين من مجاعة الصومال ؟؟؟


عندما قامت اميركا بالمشاركة في حرب الصومال قبل عدة سنوات تصاعد عويل ونعيق رجال الدين حول اغتصاب الاراضي الاسلامية وتعالت اصوات القومجية بأن هناك بلد عربي محتل وبدأو كعادتهم بالتلويح والتذكير بالمؤامرات القذرة للغرب للسيطرة على الاراضي العربية والاسلامية ... الخ من الجنجلوتيات التعبانة
وبعد عدة سنوات المجاعة تفتك بابناء الصومال وحسب اخر التقارير الصادرة من بلاد الكفار توضح بموت الاف الاشخاص بسبب هذه المجاعة
انا اريد ان اعرف اين هم رجال النفاق والدجل من هذه المأساة ونحن في هذا الشهر الذي يدعو فيه الله الى الرحمة والمؤازرة بين المسلمين ؟؟
اين هم حكام السعودية اين هم دعاة الاسلام او بالاصح دعاة القتل والتفخيخ والتفجير
؟؟؟



الأحد، 24 يوليو، 2011

عمليات بغداد تكول يتظاهر ويقتل


يعني ماكالو مثلا يقتل ويتظاهر
هذه الصورة مثبتة فوق احدى السيطرات الموجودة في ساحة التحرير مااعرف الجيش شغلته حماية المواطنين لو يسوي دعايات سياسية يعني هسه يرضون نحط صور المدانين الحرامية اللي بالحكومة ونحطها فوك السيطرات ونكتب عليهم سياسين حرامية؟ يبغض النظر عن الشخص اللي بالصورة وعن افعاله بس هل هذا يعني ان كل المتظاهرين قتلة؟؟؟



صور المعممين اللي ترست الشوارع


يعني اني شنو ذنبي اصبح بهاي الشكولات؟ عبالك دعاية مال فلم اكشن
اشو ترسو بغداد بهالصور؟؟ خلصنا من عمو صدام طلعنا الف صدام